პარლამენტის ვიცე-სპიკერის არჩილ თალაკვაძის თქმით, 1 აგვისტოს “მთავარი არხის” დირექტორის მიერ გავრცელებული ინფორმაცია, რომ სახელმწიფო უსაფრთხოების სამსახური ბიძინა ივანიშვილისთვის პირადი ცხოვრების ამსახველ ანგარიშებს ამზადებს აბსოლუტური დეზინფორმაციაა და ნებისმიერ ადამიანს შეუძლია თავად დაწეროს მსგავსი რამ.
“სინამდვილეში ჩანაწერები არ არის, ეს არის ტექსტები, რომელიც ნებისმიერ ადამიანს შეუძლია, დაწეროს. მ. ჯ.-მ რა უთხრა ნ.კ.-ს და გ.ნ.-მ რა უთხრა ბ.ნ.-ს, ამის დაწერა შეუძლია ნებისმიერ ადამიანს ფურცელზე. მას შემდეგ, რაც ჩემი მეგობრების, თუნდაც ჩემი ოჯახის მიმართ ჩვენ ვნახეთ აბსოლუტური ყალბი დეზინფორმაციები და ფეიკ ნიუსები, არ უნდა გაგვიკვირდეს არც ეს, რა თქმა უნდა. ჩვენ ამ ყველაფერს ვხვდებით მშვიდად, ვინაიდან ვიცით, ვინ არის ნიკა გვარამია.” – ამბობს თალაკავაძე.
