ნიკა ქაცარიძის მეუღლე – ძილში მომესმა ნიკას არანორმალური სუნთქვა, გა­მეღ­ვი­ძა…გადმოვატრიალე და ბოლოჯერ ამოისუნთქა… ბავშვებს მამა თვალწინ მოუკვდათ

მსახიობ ნიკა ქაცარიძის მეუღლემ ნონო ბერიძემ „ნანუკა ჟორჟოლიანის შოუში“ მისი მეუღლის გარდაცვალების შესახებ ისაუბრა.

ნინო ბერიძის თქმით, მა­მის სიკ­ვდილს მისი მცი­რე­წლო­ვა­ნი შვი­ლე­ბიც შე­ეს­წრნენ.

„და­ლე­ვით, რო­გორც ყვე­ლა ქარ­თვე­ლი მა­მა­კა­ცი, დღე­სას­წა­უ­ლებ­ზე ან და­ბა­დე­ბის დღე­ებ­ზე სვამ­და. ამას ყო­ველ­დღი­უ­რი ხა­სი­ა­თი არ ჰქონ­და. სა­ა­ხალ­წლო დღე­სას­წა­ულ­ზე ვინ არ სვამს? რო­გორც ასე­თი, ნიკა მსმე­ლი არ იყო.

ჩემი აზ­რით, ეს იყო აც­რი­დან და სასმლი­დან პრო­ვო­ცი­რე­ბუ­ლი თრომ­ბი. და­ვა­ზუს­ტებ რას ვგუ­ლის­ხმობ, არ მინ­და ისე გა­მო­ვი­დეს, თით­ქოს აც­რის წი­ნა­აღ­მდე­გი ვარ. თუმ­ცა ამ შემ­თხვე­ვა­ში არ არის მე­დი­ცი­ნის მუ­შა­კე­ბის­გან მკაც­რი გაფრ­თხი­ლე­ბა, რომ არ შე­იძ­ლე­ბა და­ლე­ვა ერთი თვე ან ორი თვე. მო­უ­წია სასმლის და­ლე­ვა, თუმ­ცა ეს დიდი რა­ო­დე­ნო­ბით არ იყო. ჩვე­უ­ლებ­რი­ვად და­ი­ძი­ნა, ადრე დაწ­ვა, რად­გან მე­ო­რე დღეს რე­პე­ტი­ცია ჰქონ­და.

ბავ­შვე­ბი მას­თან დაწ­ვნენ. პა­ტა­რა ბიჭი ჩა­უწ­ვა სა­წოლ­ში, აღარ შორ­დე­ბო­და და ასე ჩა­ე­ძი­ნა. ღამე გა­მო­მეღ­ვი­ძა, 3 სა­ათ­ზე და ლა­ზა­რე ცხე­ლი მო­მეჩ­ვე­ნა და რომ ავიყ­ვა­ნე და გა­უ­ზო­მე სი­ცხე, ამ დროს ნი­კამ გა­იღ­ვი­ძა, მკი­თხა, რა ხდე­ბაო? ვუ­თხა­რი, რომ ლა­ზა­რეს და­ბა­ლი სი­ცხე ჰქონ­და. წყა­ლი და­მა­ლე­ვი­ნეო, და­ლია წყა­ლი, ამის შემ­დეგ ჩვე­უ­ლებ­რი­ვად და­ი­ძი­ნა.

ძილ­ში მო­მეს­მა არა­ნორ­მა­ლუ­რი სუნ­თქვა მისი, გა­მეღ­ვი­ძა და ვე­ძა­ხი, ნიკა… გად­მო­ვატ­რი­ა­ლე და და­ას­რუ­ლა სუნ­თქვა. ვერც და­ვი­ჯე­რებ­დი მა­შინ, რომ ეს იყო მისი ბოლო ამო­სუნ­თქვა. ამ დროს ორი­ვე ბავ­შვმა გა­იღ­ვი­ძა. ამის შემ­დეგ დე­და­ჩე­მი გა­ვაღ­ვი­ძე. სას­წრა­ფო­შიც დავ­რე­კე, მო­ვიდ­ნენ ძა­ლი­ან სწრა­ფად, მაგ­რამ უკვე გარ­დაც­ვლი­ლი იყო.

ეს არის ჩემს ცხოვ­რე­ბა­ში ყვე­ლა­ზე მძი­მე პე­რი­ო­დი, მძი­მე ახა­ლი წელი. ფაქ­ტობ­რი­ვად, ბავ­შებს მამა თვალ­წინ მო­უკ­ვდათ. მა­რი­ტა 5 წლის არის, ლა­ზა­რე – 2 წლის. მა­რი­ტა დღემ­დე არ შე­მო­დის იმ ოთახ­ში, სა­დაც ნი­კამ და­ლია სული. გუ­შინ ლა­ზა­რემ მი­თხრა, დედა ეს არის შავი ოთა­ხიო. იმ ოთახ­ში არც ერთს არ უნდა და­ძი­ნე­ბა. მა­რი­ტამ და­ი­ნა­ხა მისი ამო­სუნ­თქვა“ – აღ­ნიშ­ნა ნინო ბე­რი­ძემ.