მსოფლიოში უდიდესმა ჰაკერების ჯგუფმა Anonymous რუსეთს კიბერ ომი გამოუცხადა. ამის მიზეზად ორგანიზიაცია უკრაინაში რუსების ფართომასშტაბიან შეჭრას ასახელებს. Anonymous-მა განცხადება მათ ოფიციალურ “ტვიტერზე” გაავრცელა. “Anonymous-ის გუნდი ოფიციალურ კიბერ ომს იწყებს რუსეთის ხელისუფლების წინააღმდეგ.” – წერია განცხადებაში.
გზავნილის გავრცელებიდან ნახევარ საათში, ჯგუფმა შეტევა განახორციელა კრემლის მიერ მხარდაჭერილ მედიაზე RT. მოგვიანებით ცნობილი გახდა, რომ Anonymous-მა რუსეთის თავდაცვის სამინისტროს და “გაზპრომის” ოფიციალური გვერდებიც დაჰაკა.
კიბერ შეტევის გამოცხადება მოჰყვა ეჭვს, რომ სწორედ რუსეთი იდგა იმ სისტემური კიბერ შეტევების უკან, რომელიც ომის დაწყებამდე განხორციელდა უკრაინულ სამთავრობო ვებგვერდებზე.
Anonymous-ის გუნდის მიერ კიბერ ომის გამოცხადებას სოციალურ ქსელში მოწონებები მოჰყვა.
