“მოქალაქეების” ლიდერის ალეკო ელისაშვილის თქმით, რეფერენდუმის ძახილის არ იყოს, ჩრდილოვანი კაბინეტი არის “ბასტი-ბუბუ” და ჩრდილოვან კაბინეტსა და “ბასტი-ბუბუში” მონაწილეობას არ აპირებს.
როგორც ელისაშვილმა ჟუნრალისტებთან განაცხადა, ოპოზიცია რაციონალურ მოსაზრებებს არასდროს ითვალისწინებდა, ამიტომ გაუგებარ ღონისძიებებში მონაწილეობას არ მიიღებენ. “ჩრდილოვან კაბინეტსა და “ბასტი-ბუბუში” მონაწილეობას არ ვაპირებთ – ეს არის “ბასტი- ბუბუ”, რეფერენდუმის ძახილის არ იყოს, რომელიც ამაო ძალისხმევა აღმოჩნდა”.
რაც შეეხება აქციებს, რომელსაც ოპოზიცია გამართავს, ელისაშვილი ამბობს, რომ საკუთარი როგორც პოლიტიკური, ასევე სამეურნეო დღის წესრიგი აქვს.
“ნაციონალური მოძრაობის” აქციაზე არ ვიყავი, ღვინო ერთხელ გადავიღე და კიდევ მაქვს გადასაღები, არაყიც გამოსახდელი და არ ვიცი, ეს აქციებს დაემთხვევა თუ არა, მაგრამ მე ჩემი დღის წესრიგი მაქვს პოლიტიკურიც და სამეურნეოც, მევენახეობის. “- განაცხადა ელისაშვილმა.
