13.06.2021
- Advertisement -

ალეკო ელისაშვილი – “ნაციონალურ მოძრაობასთან” რაღა უნდა ვილაპარაკოთ, არის გაბანძებული პარტია

“ნაციონალურ მოძრაობასთან” რაღა უნდა ვილაპარაკოთ, არის გაბანძებული პარტია. მათ სხვისი ხელით უნდა პატიმრების გათავისუფლება, სხვისი ხელით უნდა საარჩევნო რეფორმა და მერე თურმე შემოვლენ პარლამენტში, აი დარდი თუ არ შემოვლენ, – ამის შესახებ “მოქალაქეების” ლიდერმა ალეკო ელისაშვილმა ჟურნალისტებთან განაცხადა.

ელისაშვილის თქმით, “ნაციონალური მოძრაობასთან” კონსულტაციებს არ აპირებს.

“ნაციონალურ მოძრაობასთან” რაღა უნდა ვილაპარაკოთ, არის გაბანძებული პარტია. მთელი ნახევარი წელი ჩვენ გვლანძღავდნენ როგორ შედიან, „უპრავებენ“ პარლამენტს და ახლა თვითონ იძახიან, რომ პარლამენტში უნდა შემოვიდეთო. სამარცხვინოები! სამარცხვინოა მათი პოზიცია, დარჩნენ ქუჩაში, აი დარდი. გინდა შემოსულან გინდა არა, საერთოდ არ მადარდებს “ნაციონალური მოძრაობა” და არანაირ კონსულტაციებს არ ვაპირებ. ვინ გაათავისუფლა პატიმრები? “ნაციონალურმა მოძრაობამ”? პატიმრები გამოვიდნენ შეთანხმების და ხელმოწერის შედეგად. მანამდე ოთხი ადამიანი გავათავისუფლე. პირადად მე და ლევანმა ორი ადამიანი გამოვიყვანეთ ციხიდან, მართალია იმ ხალხს მადლიერების ნატამალი არ აღმოაჩნდა, მაგრამ მაინც. ახლა ვინც ხელი მოაწერა მათი წყალობით გამოვიდა ნიკა მელიაც და გიორგი რურუაც. “ნაციონალურმა მოძრაობამ” თავისიანები ჩატოვა ციხეში, სხვის ხარჯზე უნდათ ხალხის გათავისუფლება. ასეთი უსინდისობა არასოდეს არ მომისმენია ქართულ პოლიტიკაში. სხვისი ხელით უნდათ პატიმრების გათავისუფლება, სხვისი ხელით უნდათ საარჩევნო რეფორმა და მერე თურმე შემოვლენ პარლამენტში, აი დარდი თუ არ შემოვლენ.

ნიკა მელიასთაბ არანაირ კომუნიკაციას არ მოვახდენ. შეუძლია გამოვიდეს და საჯაროდ ბოდიში მოიხადოს და მაშინ შეიძლება ვიფიქრო მასთან რაიმეზე დალაპარაკება. თუ საჯაროდ ბოდიშს არ მოიხდის ჩემთან დაკავშირებით ნათქვამი სიტყვების გამო, მე არანაირი სალაპარაკო მასთან არ მაქვს“, – განაცხადა ელისაშვილმა.

- Advertisement -

უახლესი სტატიები

აშშ-ის სახელმწიფო დეპარტამენტი – მადლობას ვუხდით საქართველოს მთავრობას შუამავლის უმნიშვნელოვანესი როლის შესრულებისთვის

აშშ საქართველოს ხელისუფლებას მადლობას უხდის აზერბაიჯანის ხელისუფლების მიერ სომხეთის 15 მოქალაქის გათავისუფლებაზე მიღწეული შეთანხმების ფასილიტაციაში გაწეული "სასიცოცხლო ძალისხმევისთვის". “ამერიკის შეერთებული...
- Advertisement -

მსგავსი სტატიები

- Advertisement -