ინფექციური პათოლოგიის და შიდსის ცენტრის ინფექციონისტის ალექსანდრე გოგინავას თქმით, სამწუხაროდ არის შემთხვევები, როდესაც „ომიკრონითაც“ მძიმდებიან პაციენტები. ექიმის თქმით, „ომიკრონით“ რისკჯგუფები მძიმდებიან, ამიტომ მნიშვნელოვანია ვაქცინაცია.
” ის რომ „ომიკრონის“ უფრო მსუბუქად მიმდინარეობს, არ აკნინებს ყველა იმ დამცავი საშუალების გამოყენებას რაც აქამდე იყო რეკომენდებული. რაც შეეხება „ომიკრონის“ კლინიკურ მიმდინარეობას, მას ახასიათებს შედარებით მსუბუქი მიმდინარეობა დელტა შტამთან, მაგრამ სამწუხაროდ არის შემთხვევები, როდესაც „ომიკრონითაც“ პაციენტები მძიმდებიან. განსაკუთრებით ეს ეხებათ რისკჯგუფებს, ადამიანებს, რომლებიც არიან ასაკოვანები ან აქვს სხვადასხვა ქრონიკული დაავადებები. ამიტომ ძალიან მნიშვნელოვანია, რომ დავიცვათ რეკომენდაციები და იმ ადამიანებს, რომლებსაც არ აქვთ ვაქცინაცია ჩატარებული, ჩაიტარონ ვაქცინაცია“, – აცხადებს ალექსანდრე გოგინავა „რუსთავი 2“-ის ეთერში.
