დაავადებათა კონტროლის ეროვნული ცენტრის დირექტორმა, ამირან გამყრელიძის განცხადებით, ASTRAZENECA-თი ვაქცინაციის შეფერხების მიზეზი ვაქცინის მიწოდების დაგვიანებაა.
“ASTRAZENECA-ს ახალი დოზები 22 ივნისს უნდა შემოსულიყო გამთენიისას. სამწუხაროდ, მოხდა ისე, რომ მოწოდებაში სერიოზილი შეფერხებაა, რომელიც ბევრ ფაქტორთან არის დაკავშირებული, რომელზეც არ ჩავღრმავდები, მაგრამ ფაქტია, რომ ეს მოწოდება ვერ მოხდა და ამიტომ ჩვენ დაახლოებით 4-5 ათასამდე ვაქცინაზე დეფიციტი გვაქვს”- ამბობს ამირან გამყრელიძე.
ათობით მოქალაქე, რომელიც კორონავირუსის საწინააღმდეგო ASTRAZENECA-ს ვაქცინის პირველი დოზით უკვე აიცრა, წერს, რომ მეორე დაჯავშნილ დოზას ვერ იღებს. გუშინ, 21 ივნისს, ვაქცინაციამდე 1 დღით ადრე, მათ დაავადებათა კონტროლის ეროვნული ცენტრისგან შეტყობინება მიიღეს, რომ ჯავშანი შეჩერებულია.
