დაავადებათა კონტროლის ეროვნული ცენტრის დირექტორის ამირან გამყრელიძის თქმით, ჯანდაცვის მსოფლიო ორგანიზაცია წელს პანდემიას დასრულებულად გამოაცხადებს, თუ “ვირუსის ბიოლოგიაში რაღაც ექსტრაორდინალური არ მოხდა”.
“არ გამოცხადებულა დასრულებულად პანდემია ჯანმრთელობის მსოფლიო ორგანიზაციის მიერ, მაგრამ მისი მწვავე ფაზა სწორედ ამ სტრატეგიულ დოკუმენტშია. მათ თქვეს, რომ პანდემიის მწვავე ფაზა სრულდება, ანუ დიდი ალბათობით, კიდევ ერთხელ ხაზს ვუსვამ, თუ რაღაც ექსტრაორდინალური არ მოხდა ამ ვირუსის ბიოლოგიაში და ევოლუციაში, მაშინ წელს, დიდი ალბათობით, ჯანმრთელობის მსოფლიო ორგანიზაცია პანდემიას გამოაცხადებს დასრულებულად”, – თქვა გამყრელიძემ ტელეკომპანია “რუსთავი 2” -თან.
