ყველა გზავნილი, რომელიც საქართველოდან იქნება ნატო-ში და ნატოდან საქართველოში, ძალიან მნიშვნელოვანია ჩვენი სტაბილურობისა და დემოკრატიული განვითარებისთვის, – ამის შესახებ ფრაქცია „ლელო-პარტნიორობა საქართველოსთვის“ წევრმა, ანა ნაცვლიშვილმა განაცხადა.
ნაცვლიშილის თქმით, სამწუხაროა, რომ საქართველო წელს ნატო-ს სამიტზე სტუმრის სტატუსით ვერ იქნება.
„იცით, რომ საქართველოს ნატო-ში ინტეგრაცია არის ჩვენი ქვეყნის უმნიშვნელოვანესი ამოცანა. შესაბამისად, რასაკვირველია, ყველა გზავნილი, რომელიც საქართველოდან იქნება ნატო-ში და ნატოდან საქართველოში, არის ძალიან მნიშვნელოვანი ჩვენი სტაბილურობისა და დემოკრატიული განვითარებისთვის. სამწუხაროა, რომ საქართველო წელს ამ სამიტზე სტუმრის სტატუსით ვერ იქნება, თუმცა მნიშვნელოვანია ის გზავნილები, რომლებიც გაკეთდა“, – განაცხადა ანა ნაცვლიშვილმა.
