გაეროს ყოფილი გენერალური მდივნის ანდრეს ფოგ რასმუსენის თქმით, შვედეთმა და ფინეთმა არ უნდა დააყოვნონ ნატოში გაწევრიანება. ქვეყნები უნდა შეუერთდნენ ალიანსს, სანამ პუტინი უკრაინასთან ომშია.
„რაც შეეხება ფინეთს და შვედეთს, მე ვფიქრობ, რომ არსებობს შესაძლებლობა ეს ორი ქვეყანა შეუერთდნენ [ნატოს] ახლა, რადგან პუტინი სხვაგან არის დაკავებული. ის ვერაფერს გააკეთებს“, – აღნიშნა რასმუსენმა.
გაეროს ყოფილმა გენერალურმა მდივანმა დასძინა, რომ შვედეთისა და ფინეთის მიღება ნატოში გადაუდებელი პროცედურა იქნება. მაგრამ ასეთ პირობებშიც კი პროცესი რამდენიმე თვე გაგრძელდება.
„ამას რამდენიმე თვე დასჭირდება და ამ პერიოდის განმავლობაში ფინეთიც და შვედეთიც შესაძლოა, პოტენციურად დაექვემდებარონ რუსეთის დაშინებას ან თუნდაც მუქარას, ამიტომ ჩვენ გარანტირებული უნდა ვიყოთ მათი უსაფრთხოებისთვის, თითქოს ისინი უკვე ნატოს წევრები არიან“, – დასძინა რასმუსენმა.
