13.06.2021
- Advertisement -

ანრი ოხანაშვილი – პარტიების დაფინანსების შეწყვეტისა თუ შეჩერების საკითხი მიზანშეწონილია, 2022 წლიდან ამოქმედდეს

საკანონმდებლო პაკეტი, რომლის მიხედვითაც, პარტია, რომელიც მანდატებზე უარს იტყვის, საბიუჯეტო დაფინანსებასა და კანონით განსაზღვრულ რიგ პრივილეგიებს კარგავს, იურიდიულ საკითხთა კომიტეტის თავმჯდომარის ანრი ოხანაშვილის განცხადებით, , 2022 წლის პირველი თებერვლიდან ამოქმედდება.

„პოლიტიკური პარტიების დაფინანსებას რაც შეეხება, იცით, რომ ჩვენ ვენეციის კომისიის რეკომენდაციებიც მივიღეთ, ამიტომ ჩვენ გადავხედეთ ამ კანონპროექტის ამოქმედების ვადას და ეს კანონპროექტები ამოქმედდება არა გამოქვეყნებისთანავე, არამედ 2022 წლის პირველი თებერვლიდან. ეს ნიშნავს იმას, რომ ჩვენ გავითვალისწინეთ პოლიტიკური კონტექსტი, გავითვალისწინეთ ვენეციის კომისიის რეკომენდაციები და მიგვაჩნია, რომ პარტიების დაფინანსების შეწყვეტისა თუ შეჩერების საკითხი მიზანშეწონილია ამოქმედდეს 2022 წლიდან.

დღეს პოლიტიკური კონტექსტის გათვალისწინებით, მაშინ როდესაც კონკრეტული პოლიტიკური პარტიები ახორციელებენ საპარლამენტო საქმიანობას და შეწყვიტეს პოლიტიკური საბოტაჟი და ასევე სხვა პარტიებსაც, ვინც დარჩნენ ამ რეჟიმში ჰქონდეთ შესაძლებლობა, რომ მიიღონ კონკრეტული გადაწყვეტილება, ეს პოზიცია შეცვალონ და ჩადგნენ დემოკრატიის პრინციპის ფარგლებში,“- განაცხადა ოხანაშვილმა.

ცნობისთვის, პარლამენტი საკანონმდებლო პაკეტის განხილვას დაუბრუნდა, რომლის მიხედვით, პარტია, რომელიც მანდატებზე უარს იტყვის, საბიუჯეტო დაფინანსებასა და კანონით განსაზღვრულ რიგ პრივილეგიებს კარგავს.

- Advertisement -

უახლესი სტატიები

აშშ-ის სახელმწიფო დეპარტამენტი – მადლობას ვუხდით საქართველოს მთავრობას შუამავლის უმნიშვნელოვანესი როლის შესრულებისთვის

აშშ საქართველოს ხელისუფლებას მადლობას უხდის აზერბაიჯანის ხელისუფლების მიერ სომხეთის 15 მოქალაქის გათავისუფლებაზე მიღწეული შეთანხმების ფასილიტაციაში გაწეული "სასიცოცხლო ძალისხმევისთვის". “ამერიკის შეერთებული...
- Advertisement -

მსგავსი სტატიები

- Advertisement -