დე ფაქტო აფხაზეთის პრემიერ-მინისტრი ალექსანდრე ანქვაბი კორონავირუსის მკურნალობას გუდაუთის საავადმყოფოში განაგრძობს. სტაბილურად მძიმე მდგმარეობაში მყოფი ანქვაბის ფოტოები აფხაზურმა მედიამ დღეს გაავრცელა.
ანქვაბს კორონავირუსი 30 დეკემბერს დაუდგინდა. მედიკოსების განცხადებით, იმ დროს მას ჰოსპიტალიზაცია არ სჭირდებოდა და მკურნალობას საკუთარ სახლში, თვითიზოლაციაში გადიოდა, თუმცა მალევე დამძიმდა და სასწრაფოდ კლინიკაში გადაიყვანეს.
კორონავირუსი დაუდგინდა დე ფაქტო პრეზიდენტ ასლან ბჟანიასაც, რომელიც ასევე თვითიზოლაციაში იმყოფებოდა.