1TV.GE
ავღანეთიდან გუშინ გამოფრენილი საქართველოს 16 მოქალაქე ამჟამად ბრიტანეთში, სამხედრო ბაზაზე იმყოფება. ამის შესახებ, საქართველოს პირველ არხს საქართველოს საგარეო საქმეთა სამინისტროს პრესსამსახურში განუცხადეს.
საგარეო უწყების ცნობით, საქართველოს მოქალაქეები თავს კარგად გრძნობენ, მათთან იმყოფებიან ბრიტანეთში საქართველოს საელჩოს თანამშრომლები. უწყებაში აღნიშნავენ, რომ მიმდინარეობს აქტიური მუშაობა საქართველოს მოქალაქეების სამშობლოში დასაბრუნებლად.
ავღანეთიდან საქართველოს მოქალაქეები გუშინ გამოფრინდნენ. საქართველოს საგარეო საქმეთა სამინისტროს ოფიციალური მონაცემებით, ამ დროისთვის ავღანეთში საქართველოს არც ერთი მოქალაქე აღარ იმყოფება.
