საქართველოს სტატისტიკის ეროვნული სამსახურის ინფორმაციით, აგვისტოში, წინა თვესთან შედარებით ინფლაციის დონემ 0.7%, ხოლო წინა წლის შესაბამის პერიოდთან შედარებით 12.8% შეადგინა.
ფასები, წინა წელთან შედარებით, გაზრდილია სამომხმარებლო კალათის თითქმის ყველა საქონლისა და მომსახურების ჯგუფზე, მათ შორის, ყველაზე მეტად, სურსათისა და უალკოჰოლო სასმელების ჯგუფიდან ფასები გაიზარდა ზეთსა და ცხიმზე – 43.9%-ით, ბოსტნეულსა და ბაღჩეულზე – 42.2%-ით, ხოლო რძეზე, ყველსა და კვერცხზე – 17.3%-ით.
საქსტატის თანახმად, სურსათისა და უალკოჰოლო სასმელების ჯგუფში ფასები გაიზარდა 16.2%-ით, რაც წლიურ ინფლაციაზე 5.09 პროცენტული პუნქტით აისახა.
ფასები მომატებულია შემდეგ ქვეჯგუფებზე: ზეთი და ცხიმი (43.9%), ბოსტნეული და ბაღჩეული (42.2%), რძე, ყველი და კვერცხი (17.3%), შაქარი, ჯემი და სხვა ტკბილეული (16.9%), პური და პურპროდუქტები (13.0%), თევზეული (11.9%), მინერალური და წყაროს წყალი, უალკოჰოლო სასმელები და ნატურალური წვენები (11.5%), ხორცი და ხორცის პროდუქტები (8.3), ყავა, ჩაი და კაკაო (6.8%), ხილი და ყურძენი (5.4%);