მსოფლიოში უმსხვილეს კრიპტო ბირჟას Binance-ს დიდი ბრიტანეთის ფინანსურმა მარეგულირებელმა ქვეყანაში საქმიანობა აუკრძალა. ამის შესახებ ინფორმაციას The Financial Times აქვეყნებს.
გამოცემის ცნობით, მარეგულირებლის განცხადებაშუ ნათქვამია, რომ “Binance Markets Limited-ს არ აქვს უფლება განახორციელოს რეგულირებადი საქმიანობა დიდ ბრიტანეთში. შესაბამის ავტორიზაციას, რეგისტრაციას ან ლიცენზიას Binance Group-ის არცერთი შვილობილი კომპანია არ ფლობს”.
Binance-მა, რომელმაც გასულ ივნისში FCA-ს მიერ რეგულირებული ორგანიზაციის შეძენა გამოაცხადა, Binance.UK-ს ჩაშვების გეგმებთან ერთად, ასევე ვეღარ შეძლებს გაერთიანებულ სამეფოში ოპერაციების განახლებას წინასწარი წერილობითი თანხმობის გარეშე.
