პარლამენტის შენობასთან მიმდინარე აქციაზე სიტუაცია ისევ დაძაბულია. ძალადობრივმა ჯგუფებმა პირველი გიმნაზიის მიმდებარე ტერიტორიაზე პოლიციის კორდონი კვლავ გაარღვიეს და სოლიდარობის აქციის მონაწილეებისკენ მიემართებიან.
კონტრაქციის წევრებმა პოლიციის მიერ აღმართულ ჯებირების მოხსნა სცადეს და შსს-ს წარმომადგენლებს, ჟურნალისტებსა და აქციის მონაწილეებს სხვადასხვა ნივთებს ესვრიან.ისინი სამართალდამცავების მიმართულებით წიწაკის სპრეის ასხამენ.
შსს-მ რუსთაველის გამზირზე პოლიციის დამატებითი ძალები შეიყვანა.
პარლამენტთან აქცია “თავისუფლებისთვის” მიმდინარეობს, სადაც სიტუაცია რამდენჯერმე დაიძაბა.
