„ქვეყანაში შეზღუდვების გასამკაცრებლად, ამ დროისთვის, ობიექტური მიზეზი არ არსებობს“, – ამის შესახებ ჯანდაცვის მინისტრმა ეკატერინე ტიკარაძემ ტელეკომპანია „იმედთან” განაცხადა.
ამასთან ეკატერინე ტიკარაძე ამბობს, რომ იგეგმება დამატებითი წამახალისებელი ღონისძიებების შემოღება.
„დღევანდელი ინფორმაციით, ინფექციის გავრცელების კოეფიციენტი გახლავთ 1.32, ერთი კვირის წინ ეს მაჩვენებელი იყო 1.72. ვინაიდან ჩვენ ვაკვირდებით, რომ კოეფიციენტმა დაიწია, აქედან გამომდინარე, ჩნდება მოლოდინი, რომ შემდეგი კვირის ბოლოს აბსოლუტურ რიცხვში გვექნება დაბალი მაჩვენებლები. აქედან გამომდინარე, ვერ ვხედავ საფუძველს იმისა, რომ დაწესდეს რამე დამატებითი შეზღუდვები.
გარკვეულ წამახალისებელ ღონისძიებებზე ვმსჯელობთ, რომელიც სხვადასხვა ჯგუფისთვის იქნება შერჩეული“, – აცხადებს ჯანდაცვის მინისტრი.
