რუსეთის პრეზიდენტმა, ვლადიმერ პუტინმა უკრაინის წინააღმდეგ ომში “სტრატეგიული მიზნების შესრულება” ვერ შეძლო – ამის შესახებ აშშ-ის სახელმწიფო მდივნმა, ენტონი ბლინკენმა განაცხადა. მისივე თქმით, „სუვერენული, დამოუკიდებელი უკრაინა“ პუტინზე დიდხანს იარსებებს.
„მოდით, ნუ ავურევთ ტაქტიკურს სტრატეგიულთან. რაც შეეხება პუტინის სტრატეგიულ მიზნებს, უკვე მარცხი განიცადა. მისი სტრატეგიული მიზანი იყო უკრაინის სუვერენიტეტისა და დამოუკიდებლობის დასრულება, მისი რუკიდან წაშლა, რუსეთისთვის დაქვემდებარება – რაც ჩაიშალა“, – განაცხადა ბლინკენმა, როდესაც მან უპასუხა შეკითხვას, იმარჯვებს თუ არა რუსეთი ომში.
ბლინკენის თქმით, აღმოსავლეთ უკრაინაში “ტაქტიკური, სასტიკი ბრძოლა” მიმდინარეობს.
