უკრაინაში რუსეთის სრულმასშტაბიანი შეჭრის შემდეგ, ევროკავშირმა 13.8 მილიარდი ევროს ოდენობის რუსული აქტივები გაყინა, – ამის შესახებ იუსტიციის საკითხებში ევროკომისარმა დიდიე რეინდერსმა განაცხადა.
მან უარი თქვა ევროკავშირის ხუთი ქვეყნის სახელების გამხელაზე, რომლებმაც ყველაზე მეტი აქტივები გაყინეს, მაგრამ აღნიშნა, რომ 12 მილიარდ ევროზე მეტი აქტივები ევროკავშირის მხოლოდ ხუთ წევრ ქვეყანაშია გაყინული.
„ჩვენ უნდა გავაგრძელოთ, სხვა წევრმა ქვეყნებმაც იგივე უნდა გააკეთონ. იმედი მაქვს, რომ უახლოეს კვირებში ჩვენ ვიხილავთ ამ პროცესების გააქტიურებას ყველა წევრ ქვეყანაში“, – განაცხადა რეინდერსმა.
