04.12.2021
- Advertisement -spot_img

გიორგი ფხაკაძე – ანტივაქსერების სექტა არის ისევე საშიში, როგორც კომუნისტების სექტა

ჯანდაცვის ექსპერტი, გიორგი ფხაკაძე სოციალურ ქსელ “ფეისბუქზე” წერს, რომ ახლახანს ცნობილი ანტივაქსერების სექტის ცნობილი წარმომადგებელი კორონავირუსით გარდაიცვალა.

მისივე თქმით, ანტივაქსერები ადამიანებს გონებას უწამლავენ, რასაც უამრავი ადამიანის გარდაცვალება ან გართულებული ჯანმრთელობა მოჰყვება.

„ნებისმიერი ადამიანის გარდაცვალება ტრაგედიაა.

დღეს კოვიდით გარდაიცვალა ანტივაქსერების სექტის საკმაოდ ცნობილი წარმომადგენელი ბრიტანეთიდან. კოვიდმა არ დაინდო…

ეს პიროვნება საკმაოდ განათლებული იყო (კემბრიჯი დაამთავრა), არანაირი ქრონიკული დაავადება არ ჰქონდა, და, სხვათა შორის, 9 დღის წინ ვიდეომიმართვაში განაცხადა, რომ კოვიდი ჩვეულებრივი გრიპია და საერთოდ არ არის საშიში. მაგრამ კოვიდი რომ დაემართა, 9 დღეში კოვიდმა მოკლა.

დაუჯერეთ დარგის სპეციალისტებს! ოქსფორდის და კემბრიჯის განათლება და ამერიკაში თუ გერმანიაში ცხოვრება არ ნიშნავს იმას, რომ „ყველაფერი იცი“❗️

მე ვცდილობ, ყოველთვის გითხრათ სწორი და გადამოწმებული ინფორმაცია. ანტივაქსერების სექტა კი ცდილობს თქვენზე მანიპულაციას და გავლენის გაზრდას. ფაქტი ერთია – ტყუილს მოკლე ფეხები აქვსო, დედაჩემი ასე ამბობდა… არაერთი „ანტივაქსერი“ უკვე ან კოვიდით გარდაიცვალა, ან ვირუსი გადაიტანა და არიან მძიმე მდგომარეობაში. მათ კი ისწავლეს „ჭკუა“, მაგრამ ამდენი ადამიანის „გონების მოწამვლას“ მოჰყვება მრავალი რეალური სიკვდილი და ინვალიდობა.

„ფაიზერის“ ვაქცინას უკუჩვენება არ აქვს (საქართველოში 10-მდე ადამიანს თუ ექნება)

დაიცავით თქვენი თავი და დაიცავით საქართველო

ანტივაქსერების სექტა არის ისევე საშიში, როგორც კომუნისტების სექტა“ – წერს ფხაკაძე.

- Advertisement -spot_img

უახლესი სტატიები

კლუბი „ხიდი“ 10 000 ლარით დაჯარიმდა და დაილუქა

შრომის ინსპექციამ კლუბი „ხიდი“ 10 000 ლარით დააჯარიმა და დალუქა. ამის შესახებ ინფორმაციას შრომის ინსპექცია ავრცელებს. „მიმდინარე წლის 3-4 დეკემბერს...
- Advertisement -spot_img

მსგავსი სტატიები

- Advertisement -spot_img