იაპონიამ თითქმის 20 წლის განმავლობაში პირველად, ოთხ სადავო კუნძულს რუსეთის მიერ არალეგალურად ოკუპირებული უწოდა.
პარასკევს გამოქვეყნებულ ყოველწლიურ დიპლომატიურ ანგარიშში, იაპონიის საგარეო საქმეთა სამინისტრომ კუნძულები, რომლებსაც რუსეთი სამხრეთ კურილებს უწოდებს, იაპონიამ ჩრდილოეთ ტერიტორიებად მოიხსენია.
ანგარიშში ასევე ნათქვამია, რომ იაპონია ხედავს კუნძულებს, როგორც იაპონიის ტერიტორიებს, რომლებზეც სუვერენული უფლებები აქვს, მაგრამ ამჟამად ისინი რუსეთის მიერ უკანონოდაა ოკუპირებული.
იაპონიის კუნძულ ჰოკაიდოს სანაპიროსთან მდებარე სადავო ტერიტორიები საბჭოთა ძალებმა 1945 წელს დაიპყრეს. სადავო ტერიტორია 4 ცალკეული კუნძულისგან შედგება: ეტოროფუ, კუნაშირი, შიკოტანი და ჰაბომაი. უთანხმოებამ იმის შესახებ, თუ ვინ ფლობს ამ კუნძულებს, მსოფლიოში ერთ-ერთი ყველაზე ხანგრძლივი და გადაუჭრელი ტერიტორიული დავა გამოიწვია, რაც ათწლეულებია გრძელდება.
