25.10.2021
- Advertisement -spot_img

იენს სტოლტენბერგი – ჩვენ ვხედავთ რუსეთის აგრესიულ ქმედებებს საკუთარი მეზობელი ქვეყნების – უკრაინისა და საქართველოს წინააღმდეგ

ჩვენ ვხედავთ რუსეთის აგრესიულ ქმედებებს საკუთარი მეზობელი ქვეყნების – უკრაინისა და საქართველოს წინააღმდეგ, მოწამვლის ფაქტებს, ასევე კიბერ თავდასხმებს, მათ შორის ნატოს წევრების წინააღმდეგ და ეს არის ის, რამაც რუსეთსა და ნატოს შორის ურთიერთობების გაუარესება გამოიწვია, – ამის შესახებ ნატოს გენერალურმა მდივანმა იენს სტოლტენბერგმა ბრიუსელში, ნატოს სამიტის გახსნაზე განაცხადა.

იენს სტოლტენბერგის თქმით, ნატო-ს და რუსეთის ურთიერთობები ისტორიულად დაბალ ნიშნულზეა, თუმცა ალიანსს რუსეთთან დიალოგის გაგრძელება სურს.

„ჩვენი ურთიერთობები „ცივი ომის“ დასრულების შემდეგ ყველაზე დაბალ ნიშნულზეა. მაგრამ ნატო ადაპტირებს, რეაგირებს, ჩვენ განვამტკიცეთ კოლექტიური თავდაცვა და გავზარდეთ თავდაცვის დაფინანსება და განვაგრძობთ ჩვენი კოლექტიური თავდაცვის გაძლიერებას და ჩვენ ამას იმ გადაწყვეტილებების საშუალებით განვახორციელებთ, რასაც დღეს „ნატო 2030“-ის დღის წესრიგის ფარგლებში მივიღებთ,“- აღნიშნა სტოლტენბერგმა.

მისი თქმით, ნატო რუსეთთან დიალოგსაც ცდილობს და სწორედ ამიტომ, ალიანსი ბაიდენ-პუტინის დაგეგმილ შეხვედრას მიესალმება.

„ასევე გავაგრძელებთ რუსეთთან დიალოგის მცდელობისკენ სწრაფვას და დიალოგი არ არის სისუსტის ნიშანი. ამიტომ, ჩვენ მივესალმებით იმ ფაქტს, რომ პრეზიდენტი ბაიდენი პრეზიდენტ პუტინს შეხვდება“, – აღნიშნა ნატოს გენერალურმა მდივანმა.

მისი თქმით, მთავარი მესიჯი, რასაც ალიანსი სამიტის საშუალებით რუსეთს გაუგზავნის, არის ის, რომ ნატო არის ერთიანი.

- Advertisement -spot_img

უახლესი სტატიები

საპატრიარქოს ინფორმაციით, მათ ოფიციალურ გვერდებზე ე.წ. „ტროლებისა“ და „ბოტების“ შეტევა გახშირდა

სოციალურ ქსელში საქართველოს საპატრიარქოს ოფიციალურ გვერდებზე ე.წ. „ტროლებისა" და „ბოტების" შეტევა გახშირდა, - აღნიშნულია საპატრიარქოს საზოგადოებასთან ურთიერთობის სამსახურის განცხადებაში. მსგავსი...
- Advertisement -spot_img

მსგავსი სტატიები

- Advertisement -spot_img