27.07.2021
- Advertisement -spot_img

ინგა გრიგოლია – ამ საქმეს ბოლომდე მივიყვანთ, არ გავაშუქებთ არაფერს ლექსოს სიკვდილის გარდა. გადადგეს ირაკლი ღარიბაშვილი, მიყვეს ყველა მოძალადე, ვინც ეს დაგეგმა!

“რამდენიმე დღის წინ, ტვ პირველში შემოვარდნას რომ აპირებდნენ, ლექსო საავადმყოფოდან გამოიპარა ხალათით, ხალათით მოვიდა და იქ მითხრა: ეს საქმე ხომ უნდა მივიდეს ბოლომდეო? არ მაქვს ამ ქვეყანაში გამოძიების იმედი და ხომ წავიღებთ სტრასბურგშიო? მე ახლა მინდა, მკვდარს მივცე პირობა – ჩვენ მივიყვანთ ბოლომდე ამ საქმეს, არ გავაშუქებთ არაფერს ლექსოს სიკვდილის გარდა. ჩვენ მივიყვანთ, ლექსო, ამას ბოლომდე” – ამის შესახებ ჟურნალისტმა ინგა გრიგოლიამ პარლამენტთან მიმდინარე აქციაზე სიტყვით გამოსვლისას განაცხადა.

გრიგოლიას თქმით, ხელისუფლებამ ქართული მედიის წინააღმდეგ სპეცოპერაცია მოაწყო.

„ჟურნალისტები არასდროს ითხოვენ აპლოდისმენტებს და არავინ უკრავს მათ ტაშს. არც ვითხოვთ, არც არის ეს ჩვენი საქმე, მაგრამ ლექსოს დავუკრათ ყველამ ერთად ტაში. ლექსო შეეწირა საკუთარი პროფესიული მოვალეობის შესრულებას. ტაში დავუკრათ, კიდევ დავუკრათ დაყრუებულმა ღარიბაშვილმა იქნებ გაიგოს, დაყრუებულმა მწვანე შუქი, რომ აუნთო აქ მოძალადეებს. იმ დღეს ხელისუფლებამ მოაწყო სპეცოპერაცია ქართული მედიის წინააღმდეგ. ჩემს სიცოცხლეში პირველად გამოვდივარ მიტინგზე, თქვე არაკაცებო. მეგონა ისე მოვკვდებოდი, რომ ჩემს სათქმელს მხოლოდ მიკროფონიდან ვეტყოდი მაყურებელს, მეც არ მჯერა ამდენი ხალხის წინაშე პოლიტიკური მოთხოვნით რომ გამოვდივარ – გადადგეს ირაკლი ღარიბაშვილი, მიყვეს ყველა მოძალადე, ვინც ეს დაგეგმა. გადადექით, სირცხვილია, ახალგაზრდები ხართ, შვილები ხომ გეზრდებათ? მინდა მოგმართოთ, ასე ფსკერზე როგორ დაეცით, ჩვენს გარდაცვლილ კოლეგას რომ შეურაცხყოფთ, თქვენი ბრიფინგებით, უნამუსოებო. არ გვაინტერესებს თქვენი ექსპერტიზები, აღარც გავაშუქებთ ამას. საერთოდ აღარ მაქვს ხელისუფლების მიმართ კითხვები, რაზე უნდა ვილაპარაკოთ მას მერე, როცა ლექსოს დავკრძალავთ, რაზე? საარჩევნო კანონმდებლობაზე? ცესკოს დაკომპლექსტებაზე თუ რაზე? გადადექით, დაისაჯონ დამნაშავეები, დაისაჯონ. ბოლომდე ჩავყვებით. ჩვენი ტელევიზიის შესასვლელში ახლა, ამ წუთებში ლექსოს სურათის გვერდით დამტვრეული კამერები, დამტვრეული მიკროფონები დევს, თავზე რომ დაალეწეს ქართულ მედიას – აი, ეს არის თქვენი სახე“,- განაცხადა ინგა გრიგოლიამ.

- Advertisement -spot_img

უახლესი სტატიები

მართვის მოწმობის გამოცდის წესი იცვლება – 2022 წლიდან პრაქტიკული გამოცდა ქუჩაშიც ჩატარდება

„საგზაო მოძრაობის შესახებ“ კანონში ცვლილებები შედის. კანონპროექტი პარლამენტის რიგგარეშე სესიაზე შინაგან საქმეთა მინისტრის მოადგილემ, ალექსანდრე დარახველიძემ წარადგინა.შინაგან...
- Advertisement -spot_img

მსგავსი სტატიები

- Advertisement -spot_img