ირაკლი ღარიბაშვილო პირდაპირ გეუბნები, ხომ გვადანაშაულებ ანტისახელმწიფოებრივ საქმიანობაში, აქ ვდგავარ, დამიჭირე, მზად ვარ. ტრი-ტრი, ახლა უყურე შენ მედიას!
– ასე მიმარათა ჟურნალისტმა ინგა გრიგოლიამ პრემიერ-მინისტრ ირაკლი ღარიბაშვილს.
ჟურნალისტი კოლეგებთან ერთად პარლამენტში შესვლას ითხოვს. მისი თქმით, პრემიერ-მინისტრი მოძალადეა .
„ირაკლი ღარიბაშვილმა ჩვენც ხომ სააკაშვილს დაგვაკავშირა. მოდი, ირაკლი ღარიბაშვილო, პირდაპირ გეუბნები, ხომ გვადანაშაულებ ანტისახელმწიფოებრივ საქმიანობაში, აქ ვდგავარ, დამიჭირე, მზად ვარ. დამიჭირე, მე კი დავუმტკიცებ მთელს ქვეყანას და ყველას, რომ შენ ხარ მოძალადე და რომ თქვენს ძალადობას შეეწირა ჩვენი კოლეგა. მოვედით, აქ ვდგავართ და დაგვიჭირე“, – განაცხადა გრიგოლიამ.
