04.12.2021
- Advertisement -spot_img

იურიდიულმა კომიტეტმა შეზღუდვების დარღვევის გამო 76 მილიონ ლარამდე ჯარიმების ამნისტიას მხარი დაუჭირა

პარლამენტში იურიდიულ საკითხთა კომიტეტმა პირველი მოსმენით მხარი დაუჭირა ადმინისტრაციული სახდელისგან გათავისუფლების და ამნისტიის შესახებ კანონპროექტებს, რომლებიც პანდემიის გამო დაწესებული რეგულაციების დამრღვევ პირებს შეეხება. ამნისტია, დაახლოებით, 245 ათასზე მეტ მოქალაქეს შეეხება და ჩამოწერილი იქნება 76 მილიონ ლარამდე გადაუხდელი ჯარიმა.

ინიციატივის მიხედვით, 2021 წლის 23 ივნისამდე ვინც დაარღვია იზოლაციის ან/და კარანტინის წესი, პირბადის ტარების წესი და საგანგებო მდგომარეობის რეჟიმი, იქნება ეს ადმინისტრაციული წესით დაჯარიმებული პირები თუ სისხლის სამართლის წესით უკვე აღძრული საქმეები, ყველა პირს ამნისტია შეეხება.

კანონპროექტის თანახმად, ადმინისტრაციული სახდელისგან − ჯარიმის აღუსრულებელი ნაწილისგან  გათავისუფლდებიან ის პირები, რომელთა მიმართაც ადმინისტრაციული სახდელის დადების შესახებ დადგენილება ამ კანონის ამოქმედებამდე არ აღსრულებულა.

დანაშაულის ჩამდენი პირი თავისუფლდება სისხლისსამართლებრივი პასუხისმგებლობისა და სასჯელისაგან და ითვლება ნასამართლობის არმქონედ.

- Advertisement -spot_img

უახლესი სტატიები

კლუბი „ხიდი“ 10 000 ლარით დაჯარიმდა და დაილუქა

შრომის ინსპექციამ კლუბი „ხიდი“ 10 000 ლარით დააჯარიმა და დალუქა. ამის შესახებ ინფორმაციას შრომის ინსპექცია ავრცელებს. „მიმდინარე წლის 3-4 დეკემბერს...
- Advertisement -spot_img

მსგავსი სტატიები

- Advertisement -spot_img