იმუნიზაციის მრჩეველთა ტექნიკური ჯგუფის ხელმძღვანელის ივანე ჩხაიძის განცხადებით, მოსახლეობის მინიმუმ, 60 პროცენტი უნდა იყოს აცრილი იმისათვის, რომ შევძლოთ ვითარების დამშვიდება.
ჩხაიძის განცხადებით, ერთადერთი ეფექტიანი გზა, რომელმაც შეიძლება პანდემია შეაჩეროს, ვაქცინაციაა.
„ერთადერთი, რაც შეიძლება იყოს პანდემიის შემაჩერებელი ეფექტური გზა – ეს არის მასობრივი იმუნიზაცია. მასობრივში ვგულისხმობ მინიმუმ მოსახლეობის მინიმუმ 60%-ის ვაქცინაციას. ეს მიღწევადია თუ ჩვენ ყველა ერთად დავდგებით. საბედნიეროდ დღეისათვის ვაქცინების დეფიციტი არ არსებობს. მილიონი დოზა, რომელიც შემოსულია სავსებით საკმარისია მასობრივი იმუნიზაციის კამპანიის დაწყებისთვის. ჩვენ უახლოეს კვირებში ასევე ველოდებით Pfizer-ის ვაქცინის შემოსვლას. ყველამ ერთად უნდა გადავდგათ ეს ნაბიჯი. იმუნიზაცია და მხოლოდ და მხოლოდ იმუნიზაცია გადაგვარჩენს“, – განაცხადა ივანე ჩხაიძემ
