ჯანდაცვის მსოფლიო ორგანიზაციის ინფორმაციით, მსოფლიოში კორონავირუსით გამოწველი გართულებების შედეგად დაღუპულთა რაოდენობა გასული კვირის განმავლობაში წინა კვირასთან შედარებით 20% -ით შემცირდა.
„ფატალური შემთხვევების რაოდენობა სამი კვირის განმავლობაში კლებას განაგრძობდა. გასულ კვირას გარდაცვალების 66 000-მდე ახალი შემთხვევა დაფიქსირდა, რაც წინა კვირასთან შედარებით 20% -ით ნაკლებია,”- აცხადებენ ორგანიზაციაში.
მათივე ინფორმაციით, კლებას განაგრძობს ინფიცირების შემთხვევების მაჩვენებელიც და გასული კვირის განმავლობაში კოვიდ 19-ის შემთხვევების რაოდენობა 11%-ით შემცირდა.
„მსოფლიოში ახალი შემთხვევების რაოდენობა მეექვსე კვირაა კლებულობს, გასულ კვირას 2.4 მილიონი ახალი შემთხვევა დაფიქსირდა, რაც წინა კვირასთან შედარებით 11% -ით ნაკლებია,“- აღნიშნულია ჯანმო-ს განცხადებაში.
ორგანიზაციის ინფორმაციით, პანდემიის დაწყების დროიდან მსოფლიოში კორონავირუსის 110.7 მილიონი შემთხვევა გამოვლინდა და 2.4 მილიონი ადამიანი გარდაიცვალა.
საქართველოში კოვიდ სტატისტიკა დღევანდელი მონაცემებით ასეთია:
- კორონავირუსის დადასტურებული შემთხვევა – 269438 , ბოლო 24 საათში – 443
- მათ შორის გამოჯანმრთელებული – 263257 , ბოლო 24 საათში – 461
- მათ შორის გარდაცვლილი – 3463 , ბოლო 24 საათში – 6
- ბოლო 24 საათში ჩატარებული კვლევა ტესტით – 19051, მათ შორის ანტიგენის სწრაფი ტესტით – 11825, PCR ტესტით – 7226
- დადებითობის მაჩვენებელი: დღიური – 2,33%, ბოლო 14 დღის – 236%, ბოლო 7 დღის – 2,36%
- კარანტინის რეჟიმში – 307
- სტაციონარში მეთვალყურეობის ქვეშ – 1600
- კლინიკურ სასტუმროში მყოფი პირები – 193
