ფარმაცევტული კომპანია Johnson & Johnson-ის მიერ შექმნილი კორონავირუსის საწინააღმდეგო პრეპარატი ინდური შტამის მიმართ ეფექტურია. ამის შესახებ განცხადება კომპანიის ოფიციალურ ვებგვერდზე გამოქვეყნდა.
Johnson & Johnson-ის ინფორმაციით, მათი ვაქცინა ეფექტურია სხვა, ფართოდ გავრცელებული შტამების წინააღმდეგაც.
კომპანიაში ამტკიცებენ, რომ მათ მიერ შემუშავებული კორონავირუსის საწინააღმდეგო პრეპარატი ინდური შტამის წინააღმდეგ სულ მცირე 8 თვის განმავლობაში იცავს. კომპანიის მტკიცებით, მონაცემებმა აჩვენა, რომ ვაქცინა 85 %-ით ეფექტურია, ხელს უწყობს ჰოსპიტალიზაციისა გარდაცვალების შემთხვევების პრევენციას და პირებს, რომლებიც მას ღებულობენ, იმუნიტეტი აცრიდან მინიმუმ რვა თვეს უნარჩუნდებათ.
