მსახიობ კახი კავსაძის ჯანმრთელობის მდგომარეობა მძიმეა და ის რეანიმაციულ განყოფილებაშია. მსახიობი პოსტკოვიდური გართულებებით კლინიკაში მოათავსეს.
თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის კლინიკური დირექტორის, ლალი ტურძელაძის თქმით, კახი კავსაძეს სტაბილურად მძიმე მდგომარეობა აქვს და ისევ რეანიმაციაშია. „კოვიდისგან გამოჯანმრთელდა, გაეწერა, მაგრამ კოვიდმა თავისი ძველი დაავადებები გააქტიურა, გაამწვავა და ყველაფერი ერთმანეთს დაუკავშირდა“, – განაცხადა ტურძელაძემ.
კახი კავსაძეს კორონავირუსი ნოემბერში დაუდასტურდა, ვირუსისგან გამოჯანმრთელების შემდეგ ის კლინიკიდან გაწერეს, თუმცა მოგვიანებით, ჯანმრთელობის მდგომარეობის დამძიმების გამო კვლავ თბილისის საუნივერსიტეტო კლინიკის რეანიმაციულ განყოფილებაში მოათავსეს.
