„გვიჩნდება განცდა, რომ საქართველოში მედიაგარემო ბოლო დროს დამატებითი სტრესის ქვეშაა“, – ამის შესახებ საქართველოში ევროკავშირის ელჩმა კარლ ჰარცელმა „ამერიკის ხმასთან“ ინტერვიუში განაცხადა.
„ჩვენ ვსწავლობთ სიტუაციას მედიის თვალსაზრისით და გვიჩნდება განცდა, რომ საქართველოში მედია გარემო ბოლო დროს დამატებითი სტრესის ქვეშ არის მოქცეული. ასევე, ჩვენ მხედველობაში მივიღეთ სახალხო დამცველის მიერ გამოთქმული საკმაოდ კრიტიკული აზრი ამ საქმის [ნიკა გვარამიას საქმე] განაჩენის შესახებ. გარკვეულწილად, ეს ევროკომისიის მიერ დადგენილ პრიორიტეტებშიც არის მოცემული“, – აცხადებს საქართველოში ევროკავშირის ელჩი.
