კენსინგტონის სასახლეში პრინცესა დიანას ქანდაკება გახსნეს. გახსნის ცერემონიის დღე – 1 ივლისი სპეციალურად შეირჩა, დიანას 60 წლის იუბილის აღსანიშნავად. პრინცესა დიანას მონუმენტი საზეიმოდ პრინცმა უილიამმა და ჰარიმ გახსნეს, “ლედი დის” დედმამიშვილებთან ერთად.
“გილოცავ ზეციურ დაბადების დღეს ჩვენო ლამაზო დიანა, შენი მემკვიდრეობა ცხოვრობს.”
დედის ხსოვნის პატივსაცემად, პრინცესა დიანას ძეგლი პრინცმა ჰარიმ და პრინცმა უილიამმა დაამზადებინეს. მასზე მუშაობა 2017 წელს დაიწყეს, მაგრამ ძეგლის დამონტაჟება პანდემიისა და კარანტინის გამო გადაიდო.
ძეგლზე გამოცდილი სკულპტორი იენ რენკ-პროდლი მუშაობდა. სწორედ მან შექმნა ელისაბედ II-ის პორტრეტი, რომელიც ერთფუნტიანი მონეტის ავერსზეა გამოსახული. პრინცების აზრით, “ლედი დის” მონუმენტს ყველა ნახავს, ვინც სამეფო ბაღს ეწვევა.
