პრემიერმა ღიად, პირდაპირ გააკეთა განცხადება, რითაც წაახალისა ის, რასაც ახლა ვხედავთ რუსთაველის გამზირზე, – ამის შესახებ ოპოზიციონერმა დეპუტატმა, ხათუნა სამნიძემ ჟურნალისტებს პარლამენტში განუცხადა.
„პრემიერმა ღიად, პირდაპირ გააკეთა განცხადება, რითაც წაახალისა ის, რასაც ახლა ვხედავთ რუსთაველის გამზირზე. პრაქტიკულად, მან მოუწოდა ამ ძალებს, რომლებიც იქ სწორედ ძალადობისთვის არიან შეკრებილი, იმოქმედონ საკუთარი შეხედულებების შესაბამისად იმისთვის, რომ არ ჩატარდეს ამ ქვეყანაში მშვიდობიანი მარში. ეს თვითონაც თქვა, რომ ის თურმე, არ ემხრობა მარშის ჩატარებას და თურმე, კონსტიტუცია ისე უნდა წავიკითხოთ, როგორც პრემიერს სურს და არა ისე, როგორც ის არის დაწერილი, რომ თითოეულ ადამიანს აქვს გამოხატვის და შეკრების უფლება“, – განაცხადა სამნიძემ.
