ხონში სტუდენტურ ბანაკში ინტოქსიკაციის შედეგად 9 სტუდენტი საავადმყოფოში გადაიყვანეს. სავარაუდოდ, მოწამვლა წყაროს წყლის მიღებას უკავშირდება.
ცხრა სტუდენტი სასწრაფო-სამედიცინო დახმარების ჯგუფებმა ბანაკიდან ჯერ ხონის, შემდეგ კი ქუთაისის ინფექციურ კლინიკაში გადაიყვანეს. კლინიკის ექიმის თქმით, ახალგაზრდები მათთან გუშინ მძიმე მდგომარეობით შეიყვანეს, მათ დეზინტოქსიკაცია და საჭირო კვლევები ჩაუტარდათ.
ამ დროისთვის მათი მდგომარეობა დამაკმაყოფილებელია და კლინიკას, სავარაუდოდ, დღეს დატოვებენ.
არსებული ინფორმაციით, ხონში ბანაკი „თავისუფალი უნივერსიტეტის“ მიერ მოეწყო.
