18 წელს ზემოთ ადამიანებისთვის კორონავირუსის ვაქცინებზე წინასწარი რეგისტრაცია 19 აპრილს დაიწყო. ამ დროისთვის (19:36 საათი) ვებგვერდზე 41 261 ადამიანია რეგისტრირებული. ამავე დროის მონაცემებით, რეგისტრირებულთა უმეტესობა უპირატესობას „ფაიზერს“ ანიჭებს. მას მოსდევს „მოდერნასა“ და „ასტრაზენეკას“ ვაქცინები.
წინასწარი რეგისტრაციის მიზანია, უწყებამ სწრაფად და დაუყოვნებლად მიიღოს ინფორმაცია COVID-19 ვაქცინაციის მსურველთა რაოდენობის შესახებ და ასევე, დადგინდეს თუ რომელ ვაქცინას ანიჭებს უპირატესობას საქართველოს მოსახლეობა.
ვებგვერდზე ყველას აქვს შესაძლებლობა ვაქცინებს შორის არჩევანი გაკეთოს. COVID-19 ვაქცინაციაში მონაწილეობა შეუძლია 18 წელზე უფროს მოსახლეობას.
რეგისტრაციის ბმული იხილეთ აქ.