რაც ამ დილით მოხდა, არის ძალადობა კანონის უზენაესობის სახელით. იმ პირობებში, როდესაც არც პოლიციაა დამოუკიდებელი, არც სასამართლო მიუკერძოებელი, ხოლო კანონი პოლიტიკური მიზანშეწონილობით გამოიყენება, ამას სხვას ვერაფერს დავარქმევთ და არაფერი აქვს საერთო დემოკრატიული სახელმწიფოს ქცევასთან. ქვეყნის დემოკრატია წლიდან წლამდე იფიტებოდა და სუსტდებოდა. რაც ამ დილით მოხდა, არის დიდი ნაბიჯი მისი საბოლოოდ გაუქმებისა და პოლიტიკური დაპირისპირების კიდევ უფრო გამძაფრებისკენ. ეს არის ბოლო, რაც ქვეყანას სჭირდებოდა და სამწუხაროა, რომ ახალი მთავრობის პირველი ნაბიჯი აღმოჩნდა.ასეთი პირობებიდან მოგვიწევს დემოკრატიისა და თავისუფლების ფუნდამენტის ხელახლა დაცვა და გამყარება, საქართველოს საბჭოთა ოკუპაციიიდან ასი წლის შემდეგ.
