05.08.2021
- Advertisement -spot_img

მამუკა ხაზარაძე – „ლელოს“ აქვს იდეა, შეიქმნას მოძრაობა „არ დატოვო სახლი“ და ამოქმედდეს ახალი სახელმწიფო პროგრამა საზღვრისპირა სოფლების მხარდასაჭერად

„ლელოს“ აქვს იდეა და გთავაზობთ შეიქმნას მოძრაობა „არ დატოვო სახლი“ და ამოქმედდეს ახალი სახელმწიფო პროგრამა საზღვრისპირა სოფლების მხარდასაჭერად, იქ მცხოვრები თითოეული ადამიანის დასაცავად და გასაძლიერებლად, – ამის შესახებ „ლელო საქართველოსთვის“ ლიდერი მამუკა ხაზარაძე სოციალურ ქსელ „ფეისბუქზე“ წერს.

„გუშინ ჩვენი დროის გმირი – დათა პაპა მივაბარეთ მავთულხლართებით გაყოფილ მიწას. დათა პაპა ყოველთვის დარჩება სამშობლოს სიყვარულისა და გაუტეხლობის სიმბოლოდ, რომელმაც არაერთი სირთულის მიუხედავად არ დატოვა სახლი, მისი მეუღლე ქალბატონი ვალიაც ამბობს, რომ ამ მიწაზე დარჩება. დღეს უბრალო ადამიანები შიშველი ხელებით ებრძვიან ოკუპაციას.

მსოფლიო პრაქტიკაში არსებობს უამრავი მაგალითი, როდესაც გაყოფილი ქვეყნის ეგრეთ წოდებულ საზღვართან იქმნება და მოქმედებს სპეციალური პროგრამები, ეკონომიკური თუ სოფლის მეურნების განვითარების ცალკეული პროექტები, წესდება საგადასახადო შეღავათები, რაც აძლიერებს კონფლიქტის ზონაში მცხოვრებ მოსახლეობას.

სწორედ ასეთი პროგრამაა საჭირო ჩვენს გამყოფ ხაზთან მდებარე 80-ზე მეტი სოფლის მხარდასაჭერად, რათა ამ სოფლის თითოეული მცხოვრები გრძნობდეს სახელმწიფოსგან ფინანსურ და მორალურ მხარდაჭერას, იყოს ძლიერი და დაცული, აჩვენოს ოკუპანტს, რომ ჩვენ იქ ვცხოვრობთ, ვშრომობთ და რომ ეს მიწა ჩვენია!

„ლელოს“ აქვს იდეა და გთავაზობთ შეიქმნას მოძრაობა „არ დატოვო სახლი“ და ამოქმედდეს ახალი სახელმწიფო პროგრამა საზღვრისპირა სოფლების მხარდასაჭერად, იქ მცხოვრები თითოეული ადამიანის დასაცავად და გასაძლიერებლად“, – წერს ხაზარაძე.

- Advertisement -spot_img

უახლესი სტატიები

საგარეო უწყება – რუსეთის პრეზიდენტის მიერ ცხინვალის საოკუპაციო რეჟიმთან „ორმაგი მოქალაქეობისა და რუსეთის მოქალაქეობის მიღების გამარტივებული პროცედურის შესახებ“ ე.წ. შეთანხმების დამტკიცება წარმოადგენს საქართველოს უკანონო...

რუსეთის პრეზიდენტის მიერ ცხინვალის საოკუპაციო რეჟიმთან „ორმაგი მოქალაქეობისა და რუსეთის მოქალაქეობის მიღების გამარტივებული პროცედურის შესახებ“ ე.წ. შეთანხმების პროექტის დამტკიცება...
- Advertisement -spot_img

მსგავსი სტატიები

- Advertisement -spot_img