ბოდბელი მთავარეპისკოპოსი იაკობი რადიკალური ჯგუფების მიერ ჟურნალისტებზე ძალადობაზე პასუხისმგებლობას “თბილისი პრაიდის” ორგანიზატორებს აკისრებს და ამბობს, რომ მათ უნდა სცოდნოდათ, რაც მოხდებოდა.
“ამ ყველაფერზე პასუხისმგებელია პრაიდის ორგანიზატორები. უნდა გაეთვალისწინებინათ, რაც მოხდებოდა. ჟურნალისტებმაც ისე უნდა გააშუქოთ, რომ ხალხში აგრესია არ გამოიწვიოთ. ძალიან საწყენია ნებისმიერი აგრესია, მაგრამ ეს არის იმ ფსიქოლოგიურ ტერორზე “პასუხი”, რასაც ლგბტქ თემი ახორციელებს. ჟურნალისტებსაც და აქციის ორგანიზტორებსაც მოგიწოდებთ, რომ იყოთ წყნარად.
ისე იყავით, რომ თავი შეაყვაროთ ხალხს. მე ვცემე ვინმე?,” – განაცხადა მეუფე იაკობმა.
