იუნისეფის ინფორმაციით, ავღანეთში კრიზისის შედეგად მილიონობით ადამიანს, მათ შორის ბავშვებს შიმშილით სიკვდილი ემუქრება. ამის შესახებ Deutche Welle წერს.
გამოცემის ინფორმაციით, განსაკუთრებით მძიმე მდგომარეობა სოფლის რაიონებში შეიქმნა. მოახლოებული ზამთარი კი „სასიკვდილო საფრთხეს“ შეიცავს.
ამ დასკვნის მიხედვით, 2021 წლის ბოლომდე 3.2. მლნ ავღანელ ბავშვს საკვების პრობლემა შეექმნება, ხოლო 1 მლნ-მდე შეიძლება დაიღუპოს. საერთო ჯამში კი ავღანეთში ჰუმანიტარული დახმარება 10 მლნ-მდე ბავშვს სჭირდება.
ავღანეთში ჯანდაცვის სისტემა პრაქტიკულად მოშლილია, ასევე, მდგომარეობას გვალვა, ძალადობა, პანდემია, ასევე, წითელა და სხვა დაავადებები ართულებს.
