მშვიდობა გარანტირებული ვერ იქნება, როდესაც საქმე რუსეთს ეხება, მაგრამ აშშ ეძებს სფეროებს, როგორც ეს ბაიდენმა თქვა, სადაც თანამშრომლობას შეიძლება ჰქონდეს პერსპექტივა – ამის შესახებ ევროპელ ლიდერთა ქსელის ექსპერტმა, ერაყსა და ავღანეთში ოპერაციების ყოფილმა ხელმძღვანელმა ნიკოლას უილიამსმა განაცხადა.
„ბაიდენი-პუტინის შეხვედრა უაღრესად სიმბოლურია. ამერიკის შეერთებულმა შტატებმა ძალიან კარგად იცის რუსეთის ბუნება და რისკები, მაგრამ არ უნდა კონფრონტაცია. ჯერ არავინ იცის, მაგრამ თუ დავინახავთ ურთიერთობების სტაბილურობის მინიმალურ ნიშნებს, მაშინ ეს ზოგად ტრანსატლანტიკურ უსაფრთხოებას შეუწყობს ხელს. მშვიდობა გარანტირებული ვერ იქნება, როდესაც საქმე რუსეთს ეხება, მაგრამ აშშ ეძებს სფეროებს, როგორც ეს ბაიდენმა თქვა, სადაც თანამშრომლობას შეიძლება ჰქონდეს პერსპექტივა. თუ დიალოგის რეჟიმზე გადავალთ და იქნება კონსტრუქციული გარემო, მაშინ ეს ბევრი მიმართულებით აისახება. მე ვარ პესიმისტი მოკლევადიან, მაგრამ ოპტიმისტი გრძელვადიან პერსპექტივაში, რადგან გამარჯვება დემოკრატიის, თავისუფლების მხარესაა და ავტორიტარიზმს წარმატება არ უწერია“, – აცხადებს ნიკოლას უილიამსი
