14.06.2021
- Advertisement -

პარლამენტის ბიუროს ორი ამნისტიის შესახებ კანონპროექტი წარედგინა

პარლამენტის ბიუროს ორი ერთმანეთისგან დამოუკიდებელი ამნისტიის შესახებ კანონპროექტი წარედგინა. 2019 წლის 19-21 ივნისის საქმეზე ამნისტიის შესახებ კანონპროექტები მმართველმმა გუნდმა და ოპოზიციამ დაარეგისტრირეს.

ორივე კანონპროექტი განსახილველად კომიტეტებს გადაეცა, წამყვანი კომიტეტი კი, იურიდიულ საკითხთა კომიტეტი იქნება.

მმართველი გუნდის მიერ შედგენილი დოკუმენტის მიხედვით, ამნისტია შეეხებათ როგორც მოქალაქეებს, ასევე სამართალდამცავებსაც. კერძოდ, კანონპროექტის თანახმად, სისხლისსამართლებრივი პასუხისმგებლობისა და სასჯელისაგან გათავისუფლდება ყველა პირი, რომელმაც 2019 წლის 19-21 ივნისის მოვლენებთან დაკავშირებით ჩაიდინა დანაშაული და ამ კანონით დადგენილი წესით უარს არ აცხადებს მის მიმართ ამნისტიის გავრცელებაზე. დოკუმენტი ითვალისწინებს, ასევე, ევროპული კონვენციით განსაზღვრულ სტანდარტსაც. კერძოდ, ამნისტია არ ვრცელდება ისეთ მუხლებზე, რომელიც წამებას, არაადამიანურ მოპყრობას ითვალისწინებს.

განსხვავებით მმართველი გუნდის მიერ შემუშავებული დოკუმენტისგან, ოპოზიციის მიერ დარეგისტრირებული ალტერნატიული პროექტი სამართალდამცავების ამნისტირების წინაპირობად დაზარალებულთა თანხმობას ითვალისწინებს. ამასთან, პროექტის თანხმად, ამნისტია ეხება კონკრეტულ მუხლებს, რომლითაც 20 ივნისის მოვლენებზე გამოძიება უკვე დაწყებულია, ამდენად ის გამორიცხავს, 20 ივნისის მოვლენებთან დაკავშირებით მომავალში შესაძლო გამოვლენილი დანაშაულების ამნისტირებას.

შეგახსენებთ, რომ ამნისტიის შესახებ კანონპროექტის მიღებას შარლ მიშელის დოკუმენტი ითვალისწინებს, რომელსაც პარტიებმა ხელი 19 აპრილს მოაწერეს

- Advertisement -

უახლესი სტატიები

თავის და ყელის ტკივილი, სურდო – კორონავირუსის შეცვლილი სიმპტომები – Mirror

ლონდონის კინგ კოლეჯის მეცნიერებმა განაცხადეს, რომ COVID-19-ის ახალმა შტამებმა კორონავირუსის პანდემიის საერთო კლინიკური სურათი შეცვალეს. როგორც ექსპერტები ამბობენ: თავის ტკივილი, ყელის...
- Advertisement -

მსგავსი სტატიები

- Advertisement -