პარლამენტთან ლექსო ლაშქარავას გარდაცვალების შემდგომ დაგეგმილი საპროტესტო აქცია დაიწყო. პოლიტიკური პარტიების წარმომადგენლები, ჟურნალისტები და საზოგადოების წევრები ოპერატორის ცემაში მონაწილეების დასჯას მოითხოვენ.
აქციის ორგანიზატორების ინფორმაციით, მათი მოთხოვნებია: ირაკლი ღარიბაშვილის მთავრობის დაუყოვნებლივ გადადგომა; მომხდარის დამოუკიდებელი ექსპერტებით გამოძიება; ყველა იმ მოძალადის დაკავება და კანონის სრული სიმკაცრით დასჯა, რომლებიც ლექსო ლაშქარავას დაესხნენ თავს, ასევე, ძალადობრივი აქციის ორგანიზატორების პასუხისმგებლობაში მიცემას.
ლექსო ლაშქარავა 5 ივლისს ძალადობრივი აქციის დროს დაზარალდა. ის დღეს საკუთარ სახლში გარდაცვლილი იპოვეს.
