17.01.2022
- Advertisement -spot_img

პრინცი ფილიპე 99 წლის ასაკში გარდაიცვალა. პანდემიის გამო კი, დაკრძალვის ცერემონიის გეგმა შეიცვალა

დღეს დიდი ბრიტანეთის დედოფლის, ელისაბედ მეორის მეუღლე, პრინცი ფილიპე 99 წლისა გარდაიცვალა. ინფორმაციას ამის შესახებ სამეფო ოჯახმა გაავრცელა.

„მისმა უდიდებულესობამ დედოფალმა ღრმა მწუხარებით გამოაცხადა ედინბურგის ჰერცოგის, მისი საყვარელი მეუღლის, მისი სამეფო უდიდებულესობის, პრინცი ფილიპეს გარდაცვალება. მისი სამეფო უდიდებულესობა დილით უინძორის სასახლეში გარდაიცვალა“, – ნათქვამია სამეფო ოჯახის განცხადებაში.

კორონავირუსის პანდემიის გამო კი, ედინბურგის ჰერცოგის, პრინც ფილიპეს დაკრძალვის ცერემონიის გეგმა შეიცვალა. როგორც ჰერალდიკის პალატის მიერ  გავრცელებულ ინფორმაციაშია ნათქვამი დაკრძალვის ცერემონია სახელმწიფო დონეზე არ ჩატარდება.

„დაკრძალვის ცერემონია სახელმწიფო დონეზე არ ჩატარდება. მისი სამეფო უდიდებულესობის ცხედარი უინძორის ციხე-სიმაგრეში, წმინდა გიორგის სამლოცველოში განთავსდება. ეს შეესაბამება როგორც ტრადიციას, ასევე მისი უდიდებულესობის სურვილს“, – ნათქვამია განცხადებაში.

ჰერალდიკის პალატაში აღნიშნავენ, რომ დაკრძალვის გეგმა პანდემიით გამოწვეული გარემოებების გამო შეიცვალა.

- Advertisement -spot_img

უახლესი სტატიები

ელენე ხოშტარია ჯანდაცვის მინისტრს – გავმართოთ საქმიანი შეხვედრა და მოვაგვაროთ “ქართლის” დევნილების საკითხი

"დროას" ლიდერი ელენე ხოშტარია ჯანდაცვის მინისტრს მიმართავს. ხოშტარია მინისტრს ზურაბ აზარაშვილს დევნილებთან შეთანხმებით, შეხვედრას სთავაზობს და აცხადებს, რომ თუ სანატორიუმ...
- Advertisement -spot_img

მსგავსი სტატიები

- Advertisement -spot_img