- საქართველო 16:7 რუსეთი
- რაგბი ევროპის 2020 წლის გათამაშებაში საქართველოს ნაკრებმა ყველა თამაში მოიგო
- ‘უმძიმესი მატჩი ჩავატარეთ და კმაყოფილი ვარ’ – ჯონსი საქართველოზე
- ‘წაგების საფრთხე არცერთ ეტაპზე არ იყო’ – მაისაშვილმა მატჩი შეაფასა
- ‘არ ვართ კმაყოფილები, მაგრამ მოგება მოგებაა’ – შარიქაძე რუსეთთან მატჩზე
რაგბი ევროპის 2020 წლის ჩემპიონატის გადადებულ მატჩში საქართველოს მორაგბეთა ნაკრებმა რუსეთს უმასპინძლა და დაძაბულ ბრძოლაში დაამარცხა – 16:7. “ბორჯღალოსნებს” ამ მატჩამდეც გარანტირებული ჰქონდათ ჩემპიონის ტიტული. 
მე-11 წუთზე რამილ გაისინს ანგარიშის გახსნის შანსი ჰქონდა, მაგრამ ჯარიმა 40 მეტრიდან სუსტად დაარტყა, ბურთმა მიზნამდე არ უწია.
საქართველოს ნაკრები პირველ ტაიმში უპირატესობას არ ფლობდა, შერკინებებში ჯარიმდებოდა, ლელოს გატანის რეალური შანსი არ ჰქონია – ეს იყო ერთ-ერთი ყველაზე უნიათო ტაიმი “ბორჯღალოსნების” ბოლოდროინდელ ისტორიაში – 0:0.
მეორე ტაიმი განახლდა და რუსებს 43-ე წუთზე შეეძლოთ ანგარიშის გახსნა, მაგრამ ჯარიმა ააცილეს. საპასუხოდ, 45-ე წუთზე თედო აბჟანდაძემ ჯარიმა ძელს გაარტყა. მალევე საქართველოს ნაკრებმა ლელო გაიტანა – ვასილ ლობჟანიძემ მოულოდნელად შეცვალა შეტევის მიმართულება და ლელო დადო. აბჟანდაძემ გარდასახა – 7:0.
48-ე წუთზე ჰაერში სახიფათო თამაშისთვის მსაჯმა მირიან მოდებაძე სინბინში გაუშვა, “ბორჯღალოსნები” რიცხობრივ უმცირესობაში 10 წუთით დარჩნენ. 53-ე წუთზე აბჟანდაძემ ჯარიმა ხელსაყრელი პოზიციიდან გაიტანა – 10:0.
უთზე რუსთა შეტევა ბოგდან ფედეტკომ ლელოთი დააგვირგვინა. გაისინმა გარდასახვა გაიტანა – 10:7. მალევე თედო აბჟანდაძემ მეტოქეს ჯარიმის გატანით უპასუხა – 13:7. 68-ე წუთზე დებიუტანტი ნინიაშვილი დაჯარიმდა და გაისინმა შესანიშნავი შანსი ვერ გამოიყენა.
75-ე წუთზე ნაკრების მძლავრი შეტევის შემდეგ, რუსები მეორედ დაჯარიმდნენ, თედო აბჟანდაძემ ჯარიმა გაიტანა – 16:7. ბოლო წუთამდე დაძაბული თამაში ამავე ანგარიშით დასრულდა. ბოლო წამები რუსებმა შეტევაში გაატარეს, თუმცა ლელოს გატანა ვერ შეძლეს.
მატჩის შემდეგ საქართველოს ნაკრებმა რაგბი ევროპის ტიტული ჩაიბარა, რომელიც ჯერ კიდევ 2020 წლის მარტში გაინაღდა პარიზში პორტუგალიის დამარცხებით.
აღსანიშნავია, რომ ეს საქართველოსა და რუსეთის ნაკრებების 24-ე დაპირისპირება იყო. “ბორჯღალოსნებმა” 22- დუელი (ზედიზედ მე-19) მოიგეს, ერთი შეხვედრა ფრედ დასრულდა, ერთიც (სულ პირველი დუელი 1993 წელს) რუსეთის ნაკრებმა მოიგო.
მეტის სანახავად გადადით ბმულზე
https://popsport.com/article/31774-uniato-00-shemdeg-sakartvelom-ruseti-zedized-me-19-ed-daamartskha
