„თურქეთი მოითხოვს ალ-აქსას მეჩეთსა და მუსლიმებზე საზიზღარი თავდასხმები დაუყოვნებლივ შეჩერდეს“, – ეს განცხადება თურქეთის პრეზიდენტმა, რეჯეფ თაიფ ერდოღანმა სოციალურ ქსელ „ტვიტერზე“ დაწერა.
ერდოღანის შეფასებით, ისრაელის ქმედებები არღვევს ადამიანის ძირითად უფლებებს, საერთაშორისო სამართალსა და ამიტომ დაუყოვნებლივ უნდა შეჩერდეს.
„თითოეული მუსლიმის მოვალეობაა, დაიცვას წმინდა ქალაქის, იერუსალიმის პატივი, დიდება და ღირსება,“- განაცხადა თურქეთის პრეზიდენტმა.
მისი თქმით, თუ გაეროს უშიშროების საბჭო ვერ შეაჩერებს ისრაელს სწრაფი და ეფექტური ზომებით, ეს დაადასტურებს, რომ საერთაშორისო სისტემა დანგრეულია.