აჭარის მთავრობის თავმჯდომარის, თორნიკე რიჟვაძის თქმით, რუსი ტურისტების მიმართ მიზანმიმართული კამპანია მიმდინარეობს, რომლისს მიზანიც ზაფხულის სეზონის ჩაშლაა.
რიჟვაძის განცხადებით, წლევანდელი ტურისტული სეზონი ისტორიაში ყველაზე წარმატებული იქნება.
“მე მსურს, ჩვენს მტრებს მივუსამძიმრო, ვინაიდან, როგორც ეკონომიკა, ასევე ტურიზმი პანდემიამდე არსებულ მდგომარეობას ძალიან სწრაფად დაუბრუნდა. და რა თქმა უნდა, ის მიზანმიმართული კამპანია და პროპაგანდა, რაც მიმდინარეობს, მიმართულია და მიზნად ისახავს მხოლოდ ერთ რამეს, რომ ჩვენი ხალხისა და ჩვენი ქვეყნის მტრებმა, როგორმე ზაფხულის სეზონის ჩაშლა მოახერხონ. რა თქმა უნდა, ჩვენ ყველაფერს გავაკეთებთ, რომ ეს პროვოკაციები თავიდან ავიცილოთ. წლევანდელი ტურისტული სეზონი ალბათ, ისტორიაში ყველაზე წარმატებული იქნება.” – განაცხადა რიჟვაძემ.
