28.11.2021
- Advertisement -spot_img

რომელი ქვეყნები აღიარებენ “სინოფარმს” და რა არის ცნობილი ვაქცინის შესახებ?

 რატომ უნდა ავიცრათ ჩინური “სინოფარმით“?

იმუნიზაციის საბჭოს გადაწყვეტილებით, საქართველოში ჩინეთში წარმოებული „სინოფარმის“ ვაქცინით აცრაზე რეგისტრაციის პორტალი 27 აპრილს გაიხსნა 18 წელს გადაცილებული მოქალაქეებისთვის. ქვეყანაში  შემოსული 100 000 დოზის გამოყენება კი, 5 მაისიდან დაიწყება. თბილისში ჩინურ ვაქცინა “სინოფარმზე” სარეგისტრაციო ადგილები ერთ დღეში შეივსო.

მიუხედავად მოქალაქეების მხრიდან რეგისტრაციის პორტალზე აქტიურობისა, უამრავ ადამიანს ეჭვი ეპარება „სინოფარმის“ უსაფრთხოებასა და ხარისხში. ეჭვს განსაკუთრებით ამძაფრებს ის ფაქტი, რომ ამ დრომდე ვაქცინა ჯანმო-ს მიერ არ არის ოფიციალურად აღიარებული.

ვინ აღიარებს „სინოფარმს“ და რა არის ცნობილი  ვაქცინის შესახებ?

ჩინეთში წარმოებული „სინოფარმს“ ჯერ-ჯერობით მსოფლიო ჯანდაცვის ორგანიზაციის ავტორიზაცია არ აქვს და ამ ეტაპისთვის ცნობილია მხოლოდ ის, რომ 29 აპრილისთვის ვაქცინას ჯანდაცვის მსოფლიო ორგანიზაციის ავტორიზაცია ექნება.

„სინოფარმს“  მინიჭებული აქვს უნგრეთის “მკაცრი მარეგულირებლის” ავტორიზაცია და უნგრეთი გახლდათ ევროკავშირში პირველი ქვეყანა, რომელმაც „სინოფარმის“ გამოყენება დაიწყო. „სინოფარმის“ ვაქცინა 35 ქვეყანაშია აღიარებული და ჩინეთის მწარმოებლებს სხვადასხვა ქვეყანაში 200 მილიონზე მეტი დოზა აქვთ გაცემული.

ვაქცინა გამოიყენება სამხრეთ აფრიკაში, აზიასა და ევროპის ქვეყნებში. არაბთა გაერთიანებული საამიროების გარდა, „სინოფარმი“ დამტკიცებულია ბაჰრეინში, ეგვიპტეში, სინგაპურში, თურქეთსა და აზიის სხვა ქვეყნებში. ევროპაში ვაქცინას იყენებს სერბეთი, ჩრდილოეთ მაკედონია და უნგრეთი.

„სინოფარმის“ ვაქცინა ტრადიციული მეთოდითაა დამზადებული. ის ინაქტივირებული ვაქცინაა, ანუ შეიცავს კორონავირუსის გამომწვევ დახოცილ მიკრობებს, რომელიც შეჰყავთ ორგანიზმში. ეს საკმარისია სხეულისთვის, რომ ისწავლოს ვირუსთან ბრძოლა, რა დროსაც გამომუშავდება ანტისხეულები. ეს კი იმას ნიშნავს, რომ მომავალში ვირუსის შეხვედრისას ორგანიზმმა უკვე იცის როგორ ებრძოლოს მას.

“სინოფარმის” ინსტრუქციის თანახმად, COVID-19 ინაქტივირებული ვაქცინა (Vero უჯრედი), დამზადებულია SARS-CoV-2-ის 19nCoV-CDC-Tan-HB02 შტამისგან, რომელიც ინერგება Vero უჯრედებზე კულტივირების, ვირუსის შეგროვების, ბეტა პროპიოლაქტონის ინაქტივაციის, კონცენტრაციისა და გასუფთავების მიზნით, შემდეგ შეიწოვება ალუმინის ჰიდროქსიდის   ადიუვანტის  საშუალებით და ქმნის თხევად ვაქცინას. ვაქცინა არ შეიცავს ანტიბიოტიკებსა და კონსერვანტებს.

„სინოფარმის“ 30 დეკემბრის ოფიციალური განცხადებით, ვაქცინის გამოცდის სამმა ფაზამ აჩვენა, რომ ის 79 %-ით ეფექტიანია.

მწარმოებელი ჩინეთი აცხადებს, რომ “სინოფარმის” ვაქცინას სერიოზული გვერდითი ეფექტები არ ახასიათებს.

იაშვილის კლინიკის სამედიცინო დირექტორის, ექიმი ივანე ჩხაიძის განმარტებით,  „სინოფარმი“ „ასტრაზენეკასა“ და „ფაიზერის“ ვაქცინებისგან იმით გამოირჩევა, რომ ჩინური ვაქცინის შემთხვევაში არასდროს გამოვლენილა ანაფილაქსიური შემთხვევა ან სხვა მძიმე გვერდითი მოვლენა და ეს ვაქცინა სწორედ ამით განსხვავდება სხვა ვაქცინებისგან.

„თუ სინოფარმს შევადარებთ „ფაიზერს“ და „ასტრაზენეკას“ ვაქცინებს, მათი ეფექტურობა ერთმანეთისგან მნიშვნელოვნად არ განსხვავდება. ჯანმრთელობის მსოფლიო ორგანიზაცია 70%-ზე მეტ ეფექტურობას თვლის კარგ მაჩვენებლად. სამივე მათგანის ეფექტურობა 70%-ს აღემატება. 

სამივე ვაქცინა, როგორც „ფაიზერი“, ისე „ასტრაზენეკა“ და „სინოფარმი“ 100%-ით იცავს მძიმე შემთხვევებისგან“.

აცრების კურსი შედგება 2 ინექციისაგან, აცრებს შორის ინტერვალი შეადგენს 21-28 დღეს

და ბოლოს, რატომ უნდა ავიცრათ „სინოფარმით“? – სხვადასხვა გამოქვეყნებული კვლევებისა და მონაცემების, ექსპერტებისა და ექიმების განმარტებებით, „სინოფარმი“ 100%-ით იცავს ადამიანებს მძიმე შემთხვევებისგან“. ვაქცინა გვიცავს!

- Advertisement -spot_img

უახლესი სტატიები

კორონავირუსის „ომიკრონ“ შტამი ევროპის კიდევ რამდენიმე ქვეყანაში დაფიქსირდა

Reuters-ის ინფორმაციით, კორონავირუსის „ომიკრონ“ შტამი ევროპის კიდევ რამდენიმე ქვეყანაში დაფიქსირდა. კერძოდ, დიდ ბრიტანეთში, გერმანიასა და იტალიაში. ბრიტანეთის ჯანდაცვის მინისტრის, საჯიდ ჯავიდის...
- Advertisement -spot_img

მსგავსი სტატიები

- Advertisement -spot_img