25.01.2022
- Advertisement -spot_img

რუსთავის საკრებულოს დეპუტატის დაჭრის ფაქტზე ერთი პირი დააკავეს

რუსთავის საკრებულოს წევრის, გიორგი მღებრიშვილის დაჭრის ფაქტზე ერთი პირი დააკავეს.

შემთხვევა გუშინ, მაჩაბლის ქუჩაზე მოხდა და დაშავებული სასწრაფო სამედიცინო დახმარების ეკიპაჟმა კლინიკაში გადაიყვანა. შსს-ს ინფორმაციით, დაკავებულია მისი მეზობელი.

“შინაგან საქმეთა სამინისტროს ქვემო ქართლის პოლიციის დეპარტამენტის რუსთავის საქალაქო სამმართველოს თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, 1986 წელს დაბადებული, წარსულში ნასამართლევი ნ.ტ. ჯანმრთელობის განზრახ მძიმე დაზიანების ბრალდებით დააკავეს.

დანაშაული 3-დან 6 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ბრალდებულმა მიმდინარე წლის 4 აპრილს, ქალაქ რუსთავში თავის საცხოვრებელი ბინის კორპუსის ეზოში, ურთიერთშელაპარაკებისას, მეზობელს – 1978 წელს დაბადებულ გ.მ.-ს ქვედა კიდურის არეში ცივი იარაღის გამოყენებით ჭრილობა მიაყენა და შემთხვევის ადგილიდან მიიმალა. დაჭრილი მამაკაცი გადაყვანილია კლინიკაში, სადაც შესაბამისი მკურნალობა უტარდება. ჯანმრთელობის განზრახ მძიმე დაზიანების ფაქტზე გამოძიება საქართველოს სისხლის სამართლის კოდექსის 117-ე მუხლის პირველი ნაწილით მიმდინარეობს”,- ნათქვამია ინფორმაციაში.

- Advertisement -spot_img

უახლესი სტატიები

კორონავირუსით ინფიცირების რეკორდული მაჩვენებელი- 15 762 ახალი შემთხვევა, გარდაიცვალა კიდევ 42 პაციენტი

საქართველოში ბოლო 24 საათში კორონავირუსით ინფიცირების რეკორდული მაჩვენებელი - 15 762 ახალი დადასტურებული შემთხვევა გამოვლინდა. გარდაიცვალა კიდევ 42 პაციენტი. რაც...
- Advertisement -spot_img

მსგავსი სტატიები

- Advertisement -spot_img