25.01.2022
- Advertisement -spot_img

საკარანტინე და კოვიდ სასტუროებში ბიუჯეტიდან 97.9 მილიონი ლარი დაიხარჯა

2020 წლის განმავლობაში საქართველოში სავალდებულო კარანტინის რეჟიმი სულ 144,028 ადამიანმა გაიარა. შედარებისთვის ეს საქართველოს მოსახლეობის 3.9%-ის ტოლია, შესაბამისად, დაახლოებით, ამდენმა მოქალაქემ (ზოგიერთმა ერთზე მეტჯერ) გაიარა კარანტინის რეჟიმი. სახელმწიფო ბიუჯეტის შესრულების ანგარიშიდან ირკვევა, რომ მთლიანად კარანტინის სასტუმროებში ნომრების დაქირავებაზე 97.9 მილიონი ლარი დაიხარჯა. 

“ტურიზმის ეროვნულმა ადმინისტრაციამ სავალდებულო კარანტინის ფარგლებში განახორციელა 144 028 პირის (საქართველოს მოქალაქეების) განთავსებასთან, ტრანსპორტირებასთან, კვებასთან, დასუფთავებასთან, უსაფრთხოებასა და საკარანტინო პერიოდში შესაბამისი პირობების შექმნასთან დაკავშირებული სხვადასხვა სახის ღონისძიებები. ასევე, განხორციელდა ახალ კორონავირუსთან დაკავშირებული ჩარტერული ფრენების სუბსიდირება ევროპის სხვადასხვა ქვეყნებიდან მოქალაქეების სამშობლოში დაბრუნების მიზნით. სულ ამ მიზნით საანგარიშო პერიოდში მიმართულ იქნა 97.9 მლნ ლარი”, – ნათქვამია 2020 წლის ბიუჯეტის ანგარიშში. 

სახელმწიფო შესყიდვების სააგენტოს მონაცემებით, საკარანტინე ხელშეკრულებებს შორის ყველაზე დიდი მოცულობის – 19.4 მილიონი ლარის ხელშეკრულება მთავრობამ შპს “მეტრო ეიფორია ჰოტელ ბათუმთან” გააფორმა, რომელიც 455-ნომრიან სასტუმრო “ეიფორიას” ფლობს. სახელმწიფოს მიერ გასულ წელს განსაზღვრული კრიტერიუმების თანახმად, საკარანტინე ზონაში ერთი დღით სასტუმრო ნომრის დაქირავების მაქსიმალური ღირებულება 100 ლარს შეადგენს. 

თავდაპირველად, კარანტინის ზონებში მოქალაქეები 14 დღის, შემდგომ კი 12 და 8 დღის განმავლობაში რჩებოდნენ.

სტატია მომზადებულია BM.ge მიერ

- Advertisement -spot_img

უახლესი სტატიები

კორონავირუსით ინფიცირების რეკორდული მაჩვენებელი- 15 762 ახალი შემთხვევა, გარდაიცვალა კიდევ 42 პაციენტი

საქართველოში ბოლო 24 საათში კორონავირუსით ინფიცირების რეკორდული მაჩვენებელი - 15 762 ახალი დადასტურებული შემთხვევა გამოვლინდა. გარდაიცვალა კიდევ 42 პაციენტი. რაც...
- Advertisement -spot_img

მსგავსი სტატიები

- Advertisement -spot_img