სააგენტო Reuters-ი სუდანის ინფორმაციის სამინისტროზე დაყრდნობით ინფორმაციას ავრცელებს, რომ სამხედროებმა სუდანის მთავრობის მაღალი თანამდებობის პირები დააკავეს.
გამოცემის ცნობით, სამხედროებმა ინტერნეტზე წვდომა შეზღუდეს და ხიდები ჩაკეტეს.
გარდა ამისა, Sky News Arabia-ს ინფორმაციით, სუდანის პრემიერ-მინისტრი, აბდალა ჰამდოკი შინაპატიმრობაში იმყოფება.
სუდანის ინფორმაციის სამინისტრომ სოციალურ ქსელ „ფეისბუქზე“ გამოქვეყნებულ მოკლე განცხადებაში აღნიშნა, რომ ოფიციალური პირების ადგილსამყოფელი უცნობია. არც ის არის დაკონკრეტებული, თუ ვინ დააკავეს.
