“არა და არასოდეს!” – ასე გამოეხმაურა მოძრაობა სირცხვილიას ერთ-ერთი ლიდერი, შოთა დიღმელაშვილი პრეზიდენტ სალომე ზურაბიშვილის განცხადებას, გადადონ 20 ივნისს დაგეგმილი აქცია.
პრეზიდენტმა, დღეს გამართლ ბრიფინგზე მოძრაობა სირცხვილიას მიმართა და მოუწოდა გადადონ 20 ივნისს დანიშნული პროევროპული აქცია, რომელიც, მისი თქმით, “ბევრ საფრთხეს უკავშირდება”. ზურაბიშვილმა აქციის ორგანიაზტორებს და საზოგადოებას 20 ივნისის ნაცვლად, 16 ივნისს, რიყეზე შეკრებისკენ მოუწოდა.
ცნობისათვის, 20 ივნისს, ანტირუსული აქციის ძალადობრივად დაშლიდან 3 წლის თავზე, მოძრაობა სირცხვილიამ აქცია “შინ ევროპისკენ” რამდენიმე დღის წინ დააანონსა.
